【為扮靚】范冰冰瀑布秀髮難打理　直認：護髮秘訣就是不洗頭！

長頭髮嘅女仔雖然造型較多變，不過一到清潔時就相當崩潰，冬天洗完頭勁凍吹極唔乾，夏天吹完頭成身流汗又要再沖涼，無限輪迴好痛苦呀！每次見到女星拍洗頭水廣告時，輕撥瀑布般秀髮都會心心眼，不過藝人日日set頭點保持柔順呢？范冰冰居然話：「我的護髮秘訣就是不洗頭！」

【為扮靚】網傳范冰冰年用700塊面膜　霸氣回應：還遠遠不夠呀

范冰冰細佬愛炫耀巨星家姐　范丞丞試過亂公開電話

藝人出活動見人，即使係睇落普通嘅長直髮，都可能用上成個鐘頭去打造，對比大家朝朝起身趕住出門口真係無得比架啦。不過收工返到屋企佢地又會點打理呢？年敷過千塊面膜嘅范冰冰，除咗對皮膚好着緊，對秀髮都有一套打理心得，第一步就係要了解自己嘅髮量同髮質：「兩隻手都握不住的海量髮質，感謝我爸的優秀基因，給了我跟我弟弟這麼多頭髮。」

【淘寶騙案】明星同款有保證？ 范冰冰Baby慘被PS「亂換衫」

佢仲承認網上傳聞佢唔洗頭係真架：「我確實不愛洗頭，在我的概念裏，頭皮也是皮膚，每天洗，本身的油脂都洗掉了，抵抗力會變差。而且我頭髮太厚了又有點沙發，每天洗髮加吹乾真的需要很多時間（會佔用我敷面膜的時間！！）所以洗頭這件事上我承認我非常懶！但我屬於頭皮不愛出油那種，有時候一星期才洗一次。」不過冰冰都有提示油性髮質千祈唔好亂學啦。

冰冰坦言做演員經常需要變換髮色，每日不停捲，拉直，拉直完又捲。「尤其是古裝造型，像是拍《贏天下》的時候，一連8個月，每天都要上很濃的髮膠啊，髮型師還給各種倒梳，我每天內心：『可以考慮一下髮際線的感受嘛？』總之，每拍完一個古裝戲，頭髮都會斷掉好多。感覺髮尾飄飄乎乎就剩那麼幾根了！」連成頭噴髮膠，范冰冰都可以噴啲精華水，然後捱到第二朝先洗頭，真係能人所不能。

到真係洗頭時當然要補番下啦，范冰冰就分享自己嘅獨門修護頭髮步驟，就係護髮素，洗頭水，護髮素，「洗髮之前在乾髮上塗護髮素，最便宜的就可以，先像敷髮膜似得敷個10分鐘（趁這個工夫我就會做身體去角質），然後把護髮素沖掉再開始洗頭。」

「洗頭髮的時候先洗頭皮，我都是把洗髮水先在手上搓出泡泡再往頭皮上抹，洗的時候一定要用手指腹最肥的地方按摩頭皮，千萬不要用指甲去撓。洗完頭皮再洗頭髮，洗頭髮的手法非常重要，千萬不要來回來去搓，很容易傷害毛鱗片，要用按壓啊或者捏的方式去洗。沖洗乾淨之後就可以用護髮素啦，然後按摩個5、6分鐘再沖掉。」唔趕時間嘅再敷一次護髮Masks，用浴帽包起15分鐘。「重點來啦，洗完頭髮不要馬上吹乾！我會先用毛巾把多餘的水擠乾，對，是擠乾，不要搓、不要搓、不要搓，重要的事情說3遍！會損害毛鱗片。」大家做好筆記未呀？