韓國人戴口罩宜忌 戴錯會畀人誤會整容

撰文:冼燕珊
出版:更新:
有網民開Post話女仔戴口罩,遮住半邊臉特別靚,林穎彤日前出席活動時就表示自己都有儲嚇日本嘅美顏口罩,而眾所周知,韓國人都鐘意戴口罩,次次喺機場見到啲Artists,大多數都系戴住口罩示人,不過留意返,韓國人有自己一套戴口罩宜忌,唔小心戴錯,會畀人誤會你去整容㗎!

原來韓國人自己有共識,一般人都系整完容就會戴白色口罩,所以如果你喺韓國戴白色口罩,人哋就會好自然咁估你係咪剛整完容。韓國貴為整容大國,據統計每五個韓國人就有一個人整容,整容對佢哋嚟講,真系平常到同食泡菜無異。而一般整容的高峰期在冬天,12月至2月底最多人整容,因為呢段時間系韓國嘅寒假,而3月系佢哋嘅開學季節,所以好多學生都會把握呢段時間去執執個樣,尤其系升大學嗰班,去到一個新嘅環境,反正都無人認得自己。再加上冬天傷口無咁容易發炎,所以就特別多人揀喺呢個時間整容喇。
而一般韓星都系戴黑色口罩,當佢哋素顏或是想低調的時候,就會派口罩出馬,就算幾乎將塊面都遮住曬,但還是會搭配到整體穿搭,非常有型,成為一種「口罩時尚」!