【多圖】李靜儀IG騷靚相：幫我影相要做「人肉相機架」

SuperGirls的李靜儀（Heidi）一向都是不少網民心目中的女神，除了樣貌甜美吸引，有一雙修長美腿之外，更加是能歌善舞。早前Heidi到泰國旅遊，順便在個人Instagram上分享靚人靚景派福利。雖然就性感泳衣照欠奉，不過仍然張張相都吸引到過萬like，更有粉絲說Heidi是美人魚，大讚她又靚又性感。不過睇返啲相，好明顯就有人幫手揸機影相。拍攝者唔通係男朋友？

Heidi接受《香港01》訪問時說：「好多人都問我係邊個影，咁梗係叫屋企人影㗎啦，其實係叫我表妹影嘅。通常我影相都好麻煩，我啲朋友同事都知㗎，我每影一張相之前都會set定個位，『嗱，咁樣影。』之後我就行埋過去影。好多朋友都會做我嘅『人肉相機架』，好慘㗎。」其實呢個情況講出去真是彼彼皆是，相信每個有女朋友的男人都遇到過：幫女友影完相唔收貨的問題。諗真啲，做「人肉相機架」其實都唔錯吖。起碼影得唔好唔關自己事。

問起Heidi覺得身邊的男性朋友影相靚啲還是女性朋友影相靚啲？她說：「其實身邊男仔同女仔對我都好好，會幫我影好多相。不過女仔朋友就會對我有耐性啲，因為可能大家都係女仔，會知道我都想影一啲靚相。至於身邊朋友邊個影得最啱我心水，就應該係蔡明思（Jessica），因為我成日都會迫佢幫我影相。」

靚相一定不會嫌多，尤其是靚女配搭靚景的照片。問到Heidi仲有冇收埋其他靚相時，她說：「冇啦，已經放晒出嚟。不過，我啲男性朋友喺個WhatsApp group轟炸我話：『新年流流，唔好放埋啲咁嘅相，唔好再放。』佢哋仲話：『殺死人咩。』」Heidi表示，月底仲會到巴黎的時裝周「Paris Fashion Week」，相信到時網民巴打們又有一輯靚相可以欣賞啦。