【波士早晨】樊奕敏為做秘書向人學師：中環啲秘書成日要換手袋

《波士早晨》又面有一個令人又愛又恨的角色，就是ca姐（樊奕敏飾），雖然為人諸事八卦，但其實心地尚算善良而且嫁不出十分可憐。而樊奕敏(Amy)亦指出這個角色十分有趣，她在接受《香港01》訪問時說：「其實我個角色係比較八卦，同埋因為喺公司做咗好多年，發生咩事我都係第一個知同最清楚，又因為我未結婚，所以有咩新男同事我都會睇吓有無機會嫁，個角色係幾好玩。」

要做好一個角色，最好就是找多一些參考資料，等自己更加投入，最好的方法莫過於有人親身試範，找來任職秘書的朋友學師也是其中一個方法。「角色係公司入面嘅老屎忽，我搵返啲喺寫字樓做嘢嘅朋友傾，其實真係有啲咁嘅人。因為係大秘書，如果有人送果籃俾老闆，一定係佢揀先，同埋對鞋一定著得好高，因為基本上佢係唔使做嘢，點人做㗎渣。仲有秘書大呀嘛，通常都會打扮到成個阿太咁返工，只要記實老闆個日程，其他嘢基本上唔使理。我同啲秘書朋友傾，佢哋話真係會有劇中情況，喺中環做大公司，成日要換手袋同高踭鞋，一入𨋢就會掃射其他人，如果對鞋著多過一兩次就會寸佢。」原來秘書嘅世界就係咁？又有無路在林（陳慧珊飾）咁打得嘅秘書呢？

【波士早晨】李佳芯三年前靚啲？ 女神呻：睇到以前自己皮膚好好

【波士早晨】李璧琦成為新「貴氣」代表 除咗佢仲有咩人有資格？