46歲朱茵保養靠外敷內服　迫黃貫中一齊護膚

近年轉戰內地的朱茵今日出席護膚品牌活動，搵朱茵就啱喇，年屆46歲，已育有一女的朱茵保養得宜，皮膚光滑緊緻，不過女神不是石頭爆出來的，俗語有云:「沒有醜女人， 只有懶女人」就算係朱茵都無得偷懶，佢接受訪問時說自己特別注重保養:「我好愛美，成日都會keep住搽護膚品。」除咗外敷，朱茵亦有內服:「我都好注重食療，湯水必不可少，簡單啲嘅，如果捱夜可以焗菊花杞子嚟飲，想臉色紅潤就飲紅棗水。」

朱茵Keep咁好，老公黃貫中（Paul）點可以同佢相差太遠呢？不過朱茵就話老公唔鐘意搽護膚品:「我見到佢塊面成日咁乾，忍唔住威迫利威佢搽護膚品。」如何威迫利誘?其實朱茵用嘅方法好溫柔:「例如我會叫佢陪我一齊搽，氹吓佢。」

各位男士，係咪好羨慕阿Paul有個又靚又溫柔又會緊張自己皮膚嘅老婆呢？唔止咁，朱茵仲話新年前為咗屋企大掃除咗幾日:「兩個Artists一齊住真係好多雜物，我哋仲有好多玩具，執咗好多出嚟捐咗畀有需要嘅人。」朱茵仲咁賢良淑德又有愛心，阿Paul上輩子大概拯救了全宇宙，今世先娶到女神吧!