【一路向西伯利亞】韓國、蒙古、俄羅斯靚女攻略　戰鬥民族完勝

由兩位廣告界新一代男神黎學勤（Jeffery）與莫竣名﹙Louis﹚一齊主持的ViuTV節目《一路向西伯利亞》已經播出了8集，他們亦從韓國途經蒙古，到達了終點站俄羅斯極寒的西伯利亞。節目中Jeffery與Louis以旅行為名，媾女為實，到處找來當地靚女做他們的導遊，並進行浪漫的約會行程，兩男仲要出招鬥冧女來爭奪美女們的歡心，睇下邊個更受女仔喜愛。由韓國玩到去西伯利亞，8集入面出現了多個女仔，大家一起來重溫當中幾位高質靚女吧。

韓國代表金佳圓，現年30歲的圓圓在當地一家醫院任職中文翻譯員的工作，曾在北京留學，會說普通話，樣子甜美。她還是個美女廚神，一般家常韓國菜式都難不到她。最後她更介紹了自己的韓國靚女朋友給Louis和Jeffery。

蒙古代表Nomin，現年21歲的Nomin是一名大學生，於英國留學並修讀法律系，所以英語非常流利。五官標緻，樣子cool cool地的她笑起來笑容卻出奇地燦爛，性格亦都好爽朗，舉手投足都散發住濃厚的少女氣息。

俄羅斯代表Sasha，只有19歲的Shasa是位模特兒，目測對長腿起碼有42吋，五官精緻的她真係好pure好true，個樣靚到一出場時，令兩位主持Jeffrey同Louis都睇到呆了，Shasa唔止樣靚，身材亦都勁正，Fit到暈。Jeffrey仲話Shasa是他人生以來見過最靚的女生，首次給予10分滿分。不過Shasa已經有男朋友喇，她不時於instagram曬同男友的甜蜜合照放閃，好大方，亦好大方咁曬自己副Fit爆身材㗎。