【丫鬟大聯盟】湯洛雯同謝東閔唔過電：我都已經錫過7個男藝人

《丫鬟大聯盟》昨日（2月21日）舉行燒豬拜神儀式，有份參演的TVB靚女花旦可謂空群而出。除了女主角黃心穎之外，當然不得不數另一主角，有「靚湯」之稱的湯洛雯。

今次湯洛雯與黃心穎合作，可謂是「天衣無縫」。因為2人同是多年《學是學非》的「是非精」，劇中不少對白配搭，更在2人默契之下令效果更好。「故事講我哋係通房丫鬟，會一齊瞓嘅。我哋會傾『扯被』鬧大家嗰啲，會諗點樣可以變得好笑啲，得意啲，有喜劇效果啲。」

劇中除了黃心穎外，更有另一對手，飾演湯洛雯的書生男友謝東閔。問到有否與他過電時，湯洛雯說：「佢都OK嘅，高高大大，靚靚仔仔。劇內都有感情線，不過劇以外就應該唔會。佢已經算好minor（輕微/濕碎），我之前嗰啲又錫又『盛』咁樣，都已經錫過7，8個男藝人，好似集郵咁。（邊7個？）我數到嘅，韋家雄、羅天宇、馬國明啦、黎諾懿，仲有邊個呢？好多㗎。吖，仲有黃德斌、胡諾言。不過同胡諾言嗰套就未出街，OK㗎，佢都幾好錫，哈哈哈。」唔講唔覺，原來湯洛雯先係「食家」⋯