【三個女人一個因】孫慧雪演傻氣心理醫生 ：係我最後一套存貨劇

孫慧雪（雪雪）至去年結婚生子之後就工作量大減，一直不多於電視機中出現。而最近開播的《三個女人一個因》一劇中，雪雪就飾演心理醫生-邊小豆（Dr.Bean），劇中更與黃智雯（方以因）及陳智燊有很多對手戲，其實戲份頗重。

昨日《三個女人一個因》首播，仲一連播出2集，雪雪出場畫面雖然只是短短幾分鐘，但是網民已表示十分期待雪雪之後的演出，更有網民話邊小豆一角與雪雪十分相似，原來連她本人也感覺到。孫慧雪（雪雪）接受《香港01》說：「今次角色我係好『騎呢』，每次出嚟都有啲『蝦碌』嘢，一係就跌咗落水，一係就唔知做咩。德哥（編劇戴廣德）仲話：『每個角色都好似為個演員而設咁。』我就心諗：『咦，你係咪即係話緊我傻傻地呢。』因為我個角色都係傻傻地㗎嘛。」

不過其實星期日播出的《三個女人一個因》已是雪雪在TVB的「最後一套存貨」，久休復出的雪雪暫時並未接到新劇目的邀請。她更透露最近正在減肥中。「因為呢排要成日出嚟宣傳，所以我就喺度節食減肥。同埋呢排BB夠六個月可以開始食粥，唔使餵咁多人奶，所以我就可以節食。我未生之前一百一十幾磅。宜家由141磅瘦到132左右，都瘦咗9磅㗎，但係就仲爭10幾磅。」雪雪仲話好想用最佳姿態迎接工作添。