胡蓓蔚單立文婚姻美滿：將所有功勞歸於豹哥
撰文：冼燕珊
出版：更新：
「我哋嘅婚姻之所以咁成功，我要將所有功勞歸於我老公。」豹嫂胡蓓蔚（Paisley）說：，因為佢真係非常遷就我，我原本唔係好覺，係我啲姊妹話我知的，定欣有一次話我：『其實最幸福係你，你老公唔係愛你，直頭係縱容你。』俾佢哋講講吓我先知，原來自己身在福中不知福，我老公真係對我好好。」
胡蓓蔚單立文21年愛情路 始於豹嫂主動出擊：成日借故上佢屋企
如何好法呢？Paisley說豹哥給予她極大的自由：「我老公俾好多空間我，從來唔會干涉對方，唔會管我去邊，唔會管我著咩衫，唔會管我同邊個出街，俾我200%嘅自由，我喜歡點就點。」當一方給予對方極大自由的時候，Paisley沒有因此濫用自由，反而更主動報備自己的行踪：「我哋都會主動話俾對方知自己啲行程，所以大家都好清楚對方每日做緊乜嘢。」
豹哥是一個音樂人，年少時夾Band，現在也不時替節目伴奏，一個Rock友容易給人躁動的形象，但Paisley卻說兩人的婚姻很少衝突：「我哋唔嗌交，好少嗌交，我哋一齊廿幾年，嗌過幾次交而已，我哋好多時心入面有咩不滿都會照直講，我哋嘅相處方式係互窒，互相串對方嘅方式去溝通，佢成日笑我醜樣又笑我肥，我唔Care。」Paisley續說：「我雖然唔係最靚唔係最Fit，但我唔差，佢都係講吓笑姐，除非某日我真係變得好差，佢咁講我就可能介意喇。」
天下雖然沒有一種劃一的愛情相處公式，但兩個人擁有共同興趣，而性格卻一凹一凸，一急一緩，才能互補長短，雖然很老土，卻又是永恆的真理。
場地：OM Tapas
+1