BLACKPINK、李鍾碩南柱赫用《Tik Tok》放閃　情侶新玩法一定要學

尋日2月14日就係情人節！可能有好多人都過咗個正常星期三，或者去到今日都仲畀人放緊閃！不過唔緊要，無論你單身定有愛侶，呢個另類放閃方法都會啱你用，但係道具方面就要準備本人同一隻手！

BLINK（BLACKPINK粉絲）、李鍾碩同南柱赫嘅粉絲，尋日同今日都會睇到佢哋喺Instagram用apps《Tik Tok》（抖音）「放閃」！鏡頭前就會有一隻手，手心朝天做準備，而BLACKPINK成員Jisoo、Jennie、Rose、Lisa、李鍾碩同南柱赫就會喺遠處行過嚟將頭放係手心上，好似小狗一樣咁可愛啊！李鍾碩就好有心思，係短短15秒幾個鏡頭入面就換咗3套衫，又換咗唔同背景，就連喺洗手間洗手一刻都要影低。想係新年繼續放閃或者扮閃嘅韓迷，不妨學下自己都拍一條啦！

另外，韓國混聲組合KARD成員BM好早之前就已經有玩《TIK TOK》，仲引到KARD成員全昭瑉同全志佑話佢哋都要玩埋一份！其實喺《無限挑戰》入面，劉在石、朴明秀、鄭俊河同鄭亨敦都有用過《Tik Tok》，仲玩得好開心又親自錄片，《Tik Tok》其實係一個混合影片同音樂嘅apps，不妨跟住韓星一試！

另外，韓國混聲組合KARD成員BM好早之前就已經有玩《TIK TOK》，仲引到KARD成員全昭瑉同全志佑話佢哋都要玩埋一份！其實喺《無限挑戰》入面，劉在石、朴明秀、鄭俊河同鄭亨敦都有用過《Tik Tok》，仲玩得好開心又親自錄片，《Tik Tok》其實係一個混合影片同音樂嘅apps，真係不妨跟住韓星一試！

更多圖片

BLACKPINK片段

李鍾碩片段

南柱赫片段

【情人節Wanna One派福利】姜丹尼爾show腹肌　朴志訓飛吻收到嘛?

下載《香港01》App，更多韓星靚相、影片率先睇！

http://bit.ly/HK01_App

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/