【情人節】JW王灝兒獲富二代男友送特別「花」　夠創意100蚊有找

情人節個個都送玫瑰花，唔通個個都想收玫瑰花咩？好似JW王灝兒咁，情人節收花都收得特別過人，今次唔係西蘭花又唔係士多啤梨花咁行嘅嘢，佢收到嘅係「12億太子爺」男朋友Tarzan送嘅「麥樂雞花」，JW大讚話係「I think he gave me the best bouquet in the world（我覺得佢送了全世界最好的花畀我）超級超級鍾意!!!我真係好鍾意食麥樂雞㗎」，佢仲話紮「花」係男朋友親手整嘅，而Tarzan都有喺自己IG Po相，仲話紮花100蚊有找。

【情人節】阮兆祥拖足17年 讚女友不似港女：有咩事都唔好嗌交

【父女戀】唐文龍暗拖黃文意 十億富家女：係開心愉快嘅

呢啲咪識做囉，係講兩個都識做，男朋友懂得投其所好，花少少心思，親手包裝，女朋友收到又識得放上網大讚男朋友做得好，大晒幸福，皆大歡喜。不過各位男士請小心，其實此乃高危動作，就算你女朋友好似JW咁鍾意食麥樂雞都好，送「麥樂雞花」之餘，記得搭多份禮物，女朋友加倍開心，仲可保平安，須知道，唔係個個屋企都有12億身家㗎嘛，切記切記。