與羅傑承去年底結束15年婚姻　梁芷珊火速戀上孫佳君名廚舊愛

一對情人能夠拍拖再結婚，一齊到老其實一啲都唔容易，好似梁芷珊同商人羅傑承，結婚後一齊走過高山低谷，可惜最終都未能走到最後。呢日有周刊指佢地喺去年尾已經離婚，結束15年婚姻，而梁芷珊亦火速收拾心情，同孫佳君前男友拍拖。

人稱才女嘅梁芷珊同商人羅傑承2002年結婚，婚後育有一女，兩夫妻拍住上，梁芷珊幫老公手打理唱片公司，並管理足球隊發展，一直係外間眼中嘅模範夫妻。不過原來佢地去年年尾已辦離婚手續，低調離婚後，現年49歲嘅梁芷珊更火速戀上細佢11年嘅孫佳君前男友，靚仔名廚Olivier Elzer。

據知離婚不涉及第三者，主要係因為兩人性格不合，步伐並不一致，共同決定離婚。羅傑承透過秘書回覆周刊，與梁芷珊仍是好友，不清楚女方已拍拖，如果是真的話，羅傑承一定會送上祝福。梁芷珊亦有回覆周刊，強調離婚後才有新戀情。