【三個女人】黃智雯演人格分裂律師大挑戰：有病又唔講得好痛苦！

黃智雯為擔正做女一的無綫新劇《三個女人一個「因」》出席宣傳活動，穿上deep V貼身衫上陣的她相當性感，不過她就不認為是好sexy：「台慶仲犀利啦，呢件衫好安全嘅。其實我係想演繹出型格嘅感覺，配合返我個角色好奔放好wild嘅性格。」她又謂這個角色同現實中的自己也有相似之處：「似跳舞時嘅自己，好有自信。」

而今次她是演一個患有人格分裂症的律師，總共有三個不同的人格，對她演技方面當然是很大的挑戰，難度亦很高，不過她卻感到好開心：「可以話係我夢寐以求嘅角色，好有挑戰性，可以突破我過去演過嘅角色，好過一直嚟自己嘅comfort zone度做重複嘅嘢。我花咗好長時間去準備，例如上網搵病例嘅資料，睇電影去參考同揣摩角色。演呢個律師難在佢係好壓抑，有病又唔講得，好痛苦。我自己真實世界都一定會有某啲嘢唔講得畀人知，可能係少少嘅缺失同一啲秘密。」

提到明日就是情人節，智雯當然都會與男朋友一起慶祝，她還會下廚煮幾味：「我鍾意自己煮，同埋整啲小手作做禮物。」