【年初一】林淑敏下廚冧許家傑 謝芷倫越幫越忙「被開年」？
撰文：洪曉璇
出版：更新：
又到新正頭年初一，又係時候定立狗年新目標。林淑敏平時喺螢幕前，聲大大勁霸氣成日咆哮，不過諗起心上人就會變臉心心眼，大情大性深得觀眾喜愛。觀眾緣就好夠啦，但感情方面就差啲啦，螢幕情人許家傑明明互有愛意都唔行多步，新一年林淑敏決定主動出擊學煮嘢食﹗
場地提供：回味無窮印尼餐館
要箍住男人個心首先要箍住佢個胃，林淑敏就諗到去學煮嘢食，要襯得起佢獨特嘅品味同高貴嘅氣質，點會係煎糕咁簡單。電影劇情都有話，請得秘書返嚟，就緊係要佢幫手Arrange一啲嘢架啦。林淑敏一個電話打過去，小秘書謝芷倫即刻做嘢，搵到一款過時過節必食嘅印尼黃薑飯，唔會周街食到，而且又金又黃夠晒矜貴，但十指不沾陽春水嘅佢地，到底煮唔煮得掂呢？