【早霸王】西瓜離開商台第一個多謝森美：冇佢我都冇今日

如果大家有聽開《早霸王》，相信對西瓜（原名李澄）一定不會陌生，在2010年加入商台，母親是林姍姍，一家都是商台的老臣子。在《早霸王》中，西瓜是經常被森美鬧，屬於比較下靶的角色，網上曾經有好多人為她抱不平，認為森美不應該如此。不過這個情況從此不會再出現，事關今朝森美在節目上公布西瓜將會離開商台，而西瓜也在自己的個人專頁上承認此事，結束8年的DJ生涯。

有不少網民猜測是不是受不了森美，事實當然不是如此，在接受《香港01》訪問時，西瓜表示：「絕對唔係因為頂唔順森美啦！我好開心大家聽得開心聽到佢成日話我，即係節目效果好好啦！事實上要好多謝森美，冇佢我都冇今日，學識咁多嘢，有人認識。離開商台係一個大決定！因為我從電台得到好多，令生活、工作都豐富咗好多，發現出面都有不同的事可以嘗試，所以就趁呢個時候去試吓。本來做緊嘅會繼續做：司儀、配音、網上工作等，亦都再發展其他方面，如果有得做吓電視都好啊！希望喺不同平台都可以見到大家。」原來西瓜想入電視做，未知將來會在哪一個電視台和大家見面呢？