李光洙搣甩《Running Man》諧星形象　孖鄭有美拍《Live》做警察

tvN又有新劇要面世喇！今次仲要係由《Running Man》嘅亞洲王子李光洙，同《屍殺列車》入面嘅地表最強大肚婆鄭有美孖住上拍新劇《Live》。而《Live》係一套講述以警察局內發生嘅事件為中心，努力維護日常重要價值以及正義嘅警察。不過《Live》就同平時睇開嘅警匪片有所不同，它係一套更注重李光洙、鄭有美、成東鎰（又譯：成東日）、李施彥等角色之間深刻情感嘅劇集。

而喺《Running Man》或者其他綜藝節目入面，李光洙多數都以諧星、搞笑一面示人，今次他雖然喺《Live》入面都係飾演「麻煩製造機」新人警察嚴尚秀，只係為咗生活糊口先做警察，不過喺真係做咗警察之後，李光洙先發現警察喺現實當中同自己想像嘅完全唔一樣而感到煩惱，同時都燃點起李光洙嘅熱情。但係當他搏晒命去做嘢時，佢每次負責嘅案件都會有倒楣嘅事發生，唔通喺拍戲入面都要加埋綜藝神入去做元素？

《Live》將會接檔由李昇基、車勝元、吳漣序、FT Island成員李洪基等主演嘅《和遊記》，3月10日正式首播！想睇到李光洙認真mode查案樣，就要等多1個月喇！不過劇迷們唔緊要，睇住《和遊記》先啦！

更多圖片

《Live》預告片

鄭有美同孔劉傳緋聞　《嫉妒的化身》孔曉振ig嬲豬：點解唔係我？

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/