Do姐再Shopping慶功蕭正楠遲到 氣溫得10度馬明著短袖Tee出席
撰文：冼燕珊
出版：更新：
由Do姐鄭裕玲領隊的TVB節目《Do姐再Shopping》，在台慶上獲得最佳節目主持獎，昨晚台前幕後一齊慶功，Do姐喺Instagram度Po咗一組大合照，除咗佢仲有農夫陸永C君、黃翠如、馬國明，同埋監製周子妮及一班工作人員等，但就爭咗蕭正楠，因為佢要做嘢，所以大遲到，到佢趕到嚟，Do姐已經返咗屋企瞓覺，所以今次《Do》班底嘅大合照欠咗蕭正楠。
《Do姐去Shopping》反應不錯，Do姐加農夫同翠如，擦出不少搞笑火花，所以TVB添食拍攝《Do姐再Shopping》，今次仲去埋日本、丹麥、意大利行名店，雖然今次加埋馬明同蕭正楠主持，網民嘅反應好壞參半，不過呢個系列依然大受歡迎，有唔少網民留言大讚節目好睇，仲話希望原班人馬跟住Do姐再、再Shopping，相信大家集氣都好快成事！
雖然昨日天氣回暖，不過最低溫只得10度，但可能馬國明來自西伯利亞，唔怕凍啦，全世界著到成隻粽咁，而佢只係短袖Tee上陣，真係要寫個服字俾佢。