《犯罪都市》尹啟相@g.o.d為角色駁髮 惡形惡相嚇到店員唔敢對望
韓國電影《犯罪都市》由馬東石（又譯：馬東錫）同尹啟相主演，《犯罪都市》改編自2004年韓國黑幫真實事件，講述由馬東石飾演嘅韓國刑警帶隊打擊以尹啟相為主嘅黑幫「延邊黑社會」一連串犯罪行動。
馬東石手臂粗到一巴星暈人就係人都知，但大家對於尹啟相嘅認知度就可能較低，其實尹啟相以前都係男團出身，1999年以g.o.d出道同Danny Ahn係同歲朋友，13年公開同李荷妮拍拖後，直到依家都穩定交往中！舊年嘅《2017 Mnet Asia Music Awards in Hong Kong》（MAMA），都係以情侶檔嚟香港出席活動，唔知香港粉絲又有無印象呢？
其實尹啟相喺g.o.d入面算得上係成功轉型做演員嘅一人，睇返尹啟相喺《犯罪都市》入面嘅表現都不俗，加上今次係尹啟相首次挑戰做奸角，徹頭徹尾一改尹啟相深入民心嘅溫柔形象。尹啟相更有主動提出駁長髮，其後更提起︰「無諗過去便利店買嘢會嚇到店員唔敢同我對望」，雖然諗番起係好笑，但如果《犯罪都市》入面嘅張晨真係出現喺自己面對，又真係幾驚想即刻落閘同佢講閂咗門嘅……
雖然尹啟相努力提出有關拍攝細節嘅建議，同時因為角色嘅關係，尹啟相都需要努力學習延邊方言同埋普通話，雖然尹啟相嘅普通話就無100%韓國人嘅陳善圭講得好，但尹啟相就足足花咗2個月學最地道延邊方言，另外，馬東石仲有大爆尹啟相就算當日無行程都會去到拍攝現場，睇得出佢都放咗好多心機落去！
更多圖片
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/