《和遊記》李昇基收到《尹食堂》李瑞鎮應援　原來悟空係專務忠粉

tvN韓劇《和遊記》就講到李昇基同吳漣序已經發展到要「相愛相殺」，黑色嘅死鈴已經響起，象徵住兩人其中一人必會畀對方殺死，至於手戴金剛箍嘅齊天大聖孫悟空李昇基因為受金剛箍嘅限制要保護三藏吳漣序，但李昇基又信誓旦旦話唔會畀吳漣序殺，最多係吳漣序郁手之前消滅佢，究竟有無得Happy Ending都仲係一個謎！

另外，李昇基同tvN綜藝《尹食堂》嘅李瑞鎮私底下交情甚好，又同是Hook Entertainment所屬藝人。李瑞鎮近日仲為咗李昇基就送咗咖啡應援餐車去《和遊記》劇組，餐車仲寫下「502cafe」，真係勁有sense啊！502有悟空兒（오공이）嘅意思，就好似李昇基喺《和遊記》入面架車嘅車牌都係5050，即是悟空悟空！非常可愛！

李昇基喺自己Instagram更新認證照時都有寫下「尋晚播《尹食堂》時，《和遊記》拍攝現場出現咗由李專務請客嘅宵夜咖啡車，Hook Family瑞鎮哥多謝你。」其實李昇基喺《和遊記》入面都係《尹食堂》嘅忠實粉絲，就連牛魔王車勝元睇緊自己嘅新聞時，突然就被李昇基轉台話要睇《尹食堂》，先唔理《尹食堂》同《和遊記》都係tvN嘅節目，但互相支持同宣傳嘅方法都好搞笑同可愛啊！

更多圖片

朴信惠為《和遊記》李洪基@FTIsland送餐車應援　豬八戒點回應？

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/