【開心速遞】Mandy習慣滿口大話奉承人　一講真話即刻出晒事

正所謂忠言逆耳，就算是真心話都未必個個人可以接受得到，奉承讚美的說話永遠都最動聽。無綫處境劇《愛‧回家之開心速遞》入面的Mandy林美香 （謝芷倫飾） 平日對住大小姐龍力蓮（林淑敏飾） ，當然都不可以句句真話啦，對住上司做假面人擦吓鞋，試問有邊個打工仔未做過吖。昨晚播出的一集就講Mandy如常地對大小姐講盡一切好話來討大小姐歡心，不過大小姐就要求她講真心話。要對上司講真心話，真係談何容易呀？

Mandy鼓起勇氣對大小姐講真話，竟然夠膽話大小姐塊面那些不是雀斑，而是老人斑，又話大小姐條腰圍直迫30吋＿＿，總之就是句句踩到盡，大小姐當然頂唔順啦。其實Mandy要講真話都不用去到咁盡嘛，有時確實需要講一些美麗的謊言，亦不過份。身在職場，對住上司、客戶甚至同事，又怎可能完全坦誠相對呢？Mandy最後都參透了打工仔的生存之道，明白咩係「真亦假時，假亦真」，太浮誇的大話就別講，太傷人的真話也沒有必要說，最緊要大家開心，又何必咁執着吖。