【為扮靚】網傳范冰冰年用700塊面膜 霸氣回應：還遠遠不夠呀
「世上無醜女人只有懶女人」，正所謂女為悅己者容，貪靚都係人之常情。呢排天氣咁凍，好多女仔都無勇氣敷Mask上塊面，皮膚差咗真係化妝化厚啲都補唔返！范冰冰出名皮膚靚，之前網傳佢1年要用700塊面膜，一直得個傳字，呢日冰冰親自霸氣回應：「還遠遠不夠呀！」
范冰冰曾經多次被影到敷面膜周街行，搭車又敷、坐電梯又敷，就連Fans拎簽名佢都毫不介意以白臉形象示人，最緊要就係不停補濕美白keep住靚！范冰冰都不諱言話：「大家經常看到我不管吃飯、睡覺、坐車、給影迷簽名都在敷面膜。講真，我確實是應該把市面上所有的面膜都試遍了，江湖謠傳我一年敷700張面膜，我想說……這才哪到哪，還遠遠不夠呀。我的夢想就是除了工作和吃胖胖，其餘的時間都要敷！敷！敷！才不枉我來到這。」
【淘寶騙案】明星同款有保證？ 范冰冰Baby慘被PS「亂換衫」
1年先得365日，可以用到超過700張面膜，一日兩塊喎點敷呀？返Office工都尚且覺得唔夠時間，何況係時間表密到插針插唔入嘅范冰冰！其實時間就自己擠出嚟嘅，冰冰就透露自己如何分秒必爭：「首先呢，上車之前我要先把整個妝都卸乾淨，拍上爽膚水，上車以後先用精華油按摩個10分鐘左右，讓精油滲透到皮膚裏面，然後再用按摩滾輪反覆做向上拉提動作，推個5到10分鐘。推完臉上的油也就吸收得差不多了，這個時候再塗一支或者兩支玻尿酸精華。之後就可以開始敷面膜了。」真係個個步驟都做到足喎！
以范冰冰經常要穿州過省工作，搭車搭飛機嘅時間好好利用已經足夠，用量咁大當然要經常入貨啦，原來范冰冰至愛喺香港買面膜架噃：「以前經常去香港工作，每次去都要囤貨，一買就是30，50盒，箱子肯定放不下啊，就把盒子都拆掉，把面膜一片一片往箱子裏裝，對啊，就像代購似的。拎回家，再存在冰箱裏，冰過之後敷就會有很好的鎮定效果。」