【平安谷】徐榮出現將平安谷變到唔平安：同好多人有恩怨情仇

《平安谷之詭谷傳說》明天就進入結局週，在劇中飾演二奶奶兼是「抗暴聯盟」的起頭人蘇玉華就叫觀眾要密切留意今個星期嘅劇情，因為會有個翻天覆地嘅轉變！而呢個轉變就係徐榮入侵平安谷，他今日出席活動接受《香港01》訪問時就話在劇中佢嘅出現係好大威脅，「其實我同呢條村嘅村民有好多恩怨情仇，好似鄭子誠，韋家雄，朱晨麗同簡淑兒，就係因為佢地所以令到呢條村有好大危機，要佢地諗辦法去救返所有人。」

徐榮指今次監製為他訂做嘅角色「龐大虎「性格喪盡天良，自己都好鍾意，「佢會令到條村最後惡嘅人變成最惨嘅人，本來好人變咗壞人，顛覆所有嘢。而家劇集口碑同收視都好好，希望我出嚟可以幫到手，令到劇集更加受歡迎。」

相關文章：

【平安谷】蘇玉華同張達倫私奔被劉江捉到：嗰幾場真係好好睇
【平安谷】網友大讚陳凱琳演技有進步　原來全靠男友鄭嘉穎

早前我們曾報導過韋家雄所養的狗仔「大虎」是劇集的關鍵，原來係同徐榮嘅名係一樣！徐榮就透露原來韋家雄原本是他組織的成員之一，「之後因為佢政見不合所以離開組織，就到平安谷生活。而佢又好憎我，所以就用我個名，最後韋家雄因為呢隻狗令到他有生命危險！」