臉紅的思春期香港concert智煐喊到返後台　獨留智潤在台上！

韓國經合臉紅的思春期首次香港演唱會《BOL4 Concert in Hong Kong》昨日開鑼，由安智煐及禹智潤組成的臉紅的思春期落力唱出多首歌曲，包括自己嘅大熱作品《Some》、《Galaxy》、《Blue》等，最令人驚喜嘅係BOL4更翻唱了Sia的《Chandelier》和Ed Sheeran的《Shape of You》。在演唱會中，臉紅的思春期全晚都表現得非常親民，安智煐更多次走到台下和粉絲合唱！

BOL4安智煐和禹智潤為了讓香港的粉絲覺得更有親切感，所以把廣東話寫在手上經常偷睇，粉絲睇到都即刻爆笑！原來臉紅的思春期偷睇係為咗同大家講：「我愛你哋！」安智煐就感到表示因為《Galaxy》呢首歌先至有機會可以認識到大家，仲話禹智潤平時不太會說話，今日在演唱會就是因為香港fans太熱情，令佢努力再講。

BOL4安智煐更因為睇到fans為臉紅的思春期準備嘅影片而爆喊，要留返禹智潤喺台面，自己入去後台補妝。BOL4智潤就話：「雖然好想喊，但係我都喊嘅話咁下一首歌點算？所以就只可以忍住。」最後，臉紅的思春期在演唱會尾聲時候，就感謝大家給他們的勇氣，更表示會繼續努力，仲用廣東話同大家約定：「下次再見！」想見到臉紅的思春期更多搞笑故事，就要留意《香港01》韓迷頻道嘅專訪啊！

 （觀看更多）

臉紅的思春期香港演唱會 為咗幻彩詠香江再來

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/