古巨基玩化妝App 同林峰糖妹撞樣

撰文:冼燕珊
出版:更新:
古Sir古巨基喺Instagram上載咗一組相,系佢玩化妝App嘅相嚟,佢寫道:「前幾日玩咗個App化女妝,朋友們話我最似糖妹、慧嫺、仲有林峰。」古Sir仲好俾心機咁做埋對比圖,相中嘅佢,經個App幫佢加長咗啲眼睫毛,同埋掃上啲胭脂,柔化臉型,望落臉圓圓,驟眼睇真系會認錯咗做糖妹。

而糖妹本身就同陳慧嫺似樣,所以古Sir似糖妹等於似陳慧嫺,系一啲都唔出奇,但另一張相竟然系同林峰撞樣,相似度都有85%。唔少粉絲留言,有其他意見,有啲話佢似馬國明、梁朝偉,有啲仲話似小儀添!個Range會唔會太大?唔知你又覺得古Sir仲似邊個呢?