【事隔6年】Spice Girls齊人合體　傳5女今年內重組上內地節目

英國著名女子組合Spice Girls自1994年成軍以來，曾多次解散及重組，對上一次合體演出，已是6年前的倫敦奧運閉幕禮，多年來成員之間多次傳不和，但又不時見面力證情誼未變，日前在前經理人Simon Fuller拉攏下，難得5個「辣妹」齊人聚舊。昨日5女發聲明確定本年內重組，每人酬勞高達1億，有指幾經辛苦才氹得Victoria入局，但她講明不會開金口唱歌，咁究竟合體做乜？

據悉，今次Spice Girls合體全靠Simon Fuller出手，成功勸服最難搞的Victoria加入，不過Victoria對唱歌十分抗拒，相信今次復出她不用開金口，另有指她願意答應合體，全因其時裝事業下滑，去年虧損逾9000萬港元，難怪要同「辣妹」合體復出幫補。5女除推出精選歌專輯外，亦正考慮出演內地綜藝節目，當然少不了巡迴個唱，但Victoria及Geri因為家庭關係，將不會出程參與。