【阿嬌結婚】賴弘國前妻lVY似足林依晨爆紅　做網紅成為時尚達人

有台灣「醫界王陽明」之稱的靚仔醫生賴弘國，在女友阿嬌（鍾欣潼）37歲生日時求婚成功，隨即有關二人的報導就滿天飛。繼大家早就知道他除了高大靚仔之外，仲係一名主理婦科的聖手，主打「G緊療程」即所謂的「陰道美容」。除此之外，大家對他過去一段婚姻都好有好奇心，在2016年同有「華航林依晨」之稱的Ivy Chao结婚，不過呢段婚姻就只維持短短半年就結束，從此二人就各行各路互不相干。

其實自賴弘國求婚成功後，好多人只係知道他的前妻叫「華航林依晨」，事實上Ivy仲係一名極有名氣的網紅。對她不熟的朋友其實睇落去真的會誤以為她係明星「林依晨」，其實就正正因為她生得似就在做空姐的時候使她名氣大增，後來更因為有明星相而被獲邀上台灣綜藝節目《康熙來了》，從此成為公眾人物。

因為Ivy 名氣大增加上成日在自己的社交網站寫文，多數是講一點正能量﹑化妝品等女性文化，近年亦慢慢成為著名網紅，不時在社交網站玩直播分享新鮮事，還受邀出席各大時尚品牌Party，絕對係時下年輕女性的追捧對象。

相關文章：

【阿嬌結婚】未婚夫賴弘國前妻暗寸阿嬌：悲傷也會循環

【阿嬌結婚】鍾欣潼冇戴戒指　冧爆讚賴弘國：對嘅時間遇到對嘅人

身為網紅的她現時instagram都有超過25萬人追蹤，不時分享旅行﹑影相﹑化妝等心得，都廣受大家追睇。而唔講唔知她更是網店的模特兒，主打韓式風格成日飛來飛去影相，的確好有明星的味道。

現在前夫又玩閃婚，而她昨日就在社交網站貼文疑似說話有骨：「幸福會循環，悲傷也會循環，當我們想要自己愛的人快樂平安幸福時，就要在幸福的循環中盡一點心力。」唔知係唔係提醒阿嬌呢？