胡鴻鈞新年感情冇著落：唔結婚就係為咗每年攞利是

胡鴻鈞憑著《降魔的》一劇而走紅，他演出的角色「石敢當」以及主題曲《到此一遊》唱到街知巷聞，不過也因此而被翻舊帳指他經常變樣「整容」。今日胡鴻鈞拍攝無綫賀年節目時，接受訪問時被問到「整容」一事，他大方承認自己有「整容」。胡鴻鈞講笑話：「我everyday都有『整容』，如果唔係點見人呀？（點樣everyday法？）化妝算唔算『整容』呢？」哈哈！不如我哋唔好講整容，已經講到冇嘢好講。」

就快農歷新年，胡鴻鈞表示自己在港親戚較少，所以每逢過節大多數也是到朋友家作客，但今年他特別期待林師傑的利是，他表示：「我等緊佢封利是，希望佢第一年派會大封啲，仲可以即場拆利是！」身旁的林師傑笑說：「打刧並唔係咁樣打嘅。」

拜年少不免會被親友問及感情狀況，胡鴻鈞又會點回應呢？他表示：「我有排啦！都未有對象，況且自己都未有心去諗感情事，都係想專注喺事業。我反而係享受身邊朋友快啲結婚，我就可以問佢哋攞利是。我係enjoy呢個過程，結咗婚咪冇得攞？係咪！（即係為咗利是而唔拍拖結婚？）係吖！我唔結婚就係為咗每年嗰一下。」