阿嬌鍾欣潼結婚　惠英紅擁抱祝福：終於有人要你

影后惠英紅舉行生日晚宴，她一到場即時為阿嬌送上擁抱同祝福，並笑言「終於有人要你」之後又話「錫下就有人要」。
紅姐接受訪問時，表示希望可以沾阿嬌的喜氣，又透露自己好耐無拍拖。「頭先都有叫老闆介紹，可能我圈子較細，好難識到比自己大而又未婚的男人，但姐弟戀就唔太接受了。」
至於生日願望，紅姐話最緊要身體健康，並希望年尾可以接到好劇本。「其實今年都會拍劇同拍戲，因為部部都係勁人，本身有5個劇本，而家接咗三部，好難取捨。過完年之後就開始忙得不亦樂乎。」紅姐的生日晚宴有不少好友到賀，問她是否打算不醉無歸，她馬上表示自己並唔飲酒，又提到金像獎時醉到被人抬走。「我那天帶著隱形眼鏡睡著了，細妹係咁醒我要，對眼紅晒。」