《無間道》主題神曲崩壞　網友嘲小齊梁漢文「格格不入」　

號稱斥資逾億人仔、由愛奇藝同寰亞合作的網劇《無間道》，上星期起於TVB緊接《溏心風暴3》播放，由羅仲謙、羅嘉良、蘇麗珊、廖碧兒等主演，加埋一堆大卡士嘅明星客串，雖然唔係新劇，但陣容都算令人期待。不過最近就有網民投訴由任賢齊同梁漢文翻唱嘅《無間道》主題曲太難聽，仲誇張話每晚TVB一播套劇，佢就要即劇返入房關埋門，仲要帶埋耳機塞住對耳仔添！

好多人都詬病任賢齊咬字唔正，小齊嘅母語係國語，睇返首歌嘅MV，片中佢為咗努力做到字正腔圓，個咀郁得太誇張，非常搶戲。而可能由於小齊同梁漢文係分開錄音嘅關係，兩人嘅和聲又唔係好夾，成首歌感覺好奇怪。

無對比就無傷害，不少網民拎呢個翻唱版本，嚟同劉德華、梁朝偉合唱嘅原唱經典版本比較，仲話無論定歌聲都比唔上原唱添，而有網民仲好專業咁評論話：「新版比舊版少左背景嘅“砰砰”聲重拍子，所以好似比舊版少咗點剛陽江湖味；」不過佢嘅意見其實都好持平：「但正正好似電影版十五年後，變成後續電視版咁，新版比舊版演繹得更細膩，演繹出十五年間嘅滄桑同變化！」唔知大家又點睇新版同原唱呢？

【劉德華演唱會】電影歌曲之最 有冇可能聽到同朝偉唱《無間道》 《無間道》一年後用返廣東話播 大家又可以齊齊搵真兇 【無間道】內地演員朱銳最搶鏡 同羅仲謙感情戲好激情

部份網民留言:

真係唔掂，效果出黎好差，聽到未夠一半已經要STOP，我都覺任賢齊好怪，格格不入!對不起，還是原唱者唱得好聽啲，呢個版本總係差咁啲氣勢，無嗰種感覺。劉德華同梁朝偉個版本先好聽兼有氣勢，呢個就差咗啲。