【牛華】劉德華墜馬後休養7個月 Keep住報告近況進展神速
撰文：洪曉璇
出版：更新：
劉德華去年一月，於泰國拍攝廣告時意外墜馬，導致盤骨撕裂兼多處骨折，留院2個月，手上四套電影後期及宣傳，以至原定17年年底演唱會全部都受到影響。雖然健康受重創導致大半年未能現身於人前，不過華仔相當貼心，不時更新自己近況令歌迷放下心頭大石。
2017年1月17日於泰國拍攝廣告時意外墜馬，翌日坐專機回港，醫生指出華仔需要6到8周左右的住院治療及6到9個月的復健及調養。留院期間曾經發生疑似一名60歲男精神病患者在港鐵尖沙咀站縱火案，華仔亦親筆寫上「努力，快好起來。」為傷者祈福。
至3月10日早上，華仔於其官網上載一張自拍照並留言，公布出院消息，佢表示休養期間感謝各界留言、祝福、叮囑，並承諾：「相信我﹗我很快就可以自己站起來﹗」
4月份華仔有份投資並主演嘅電影《拆彈專家》上畫，雖然佢未能親自出席宣傳活動，不過佢都送上大禮，就係上載一張撐住拐杖企起身嘅相片留言話：「前面是你、背後是你！Just do it！！不准換綫！！」向大家展示康後進度理想，並喺首映禮上播出一段佢坐喺輪椅同大家報平安嘅短片。
7月初劉德華正式復工，為馮德倫執導嘅《俠盜聯盟》進行配音，意味住復工之期不遠矣。7月中由劉偉強執導，建國三部曲的《建軍大業》上映，劉德華親自拍攝短片力撐好拍檔。
直至8月8號劉德華終於再次現身公開活動，去到北京宣傳有份主演及監製之電影《俠盜聯盟》。現場擠滿數百位中外記者，在全場歡呼尖叫聲中，華仔壓軸現身，無需工作人員攙扶，亦不需要用拐杖自行走到台上，行動敏捷，精神十足。
其後華仔陸續現身各電影大小宣傳活動，又親身到樹仁大學，上台領取榮譽文學博士學位兼致詞，12月尾更驚喜現身吳君如執導電影《妖鈴鈴》首映禮。傷癒後一連串電影及慈善工作後，呢日終於宣布年尾重啟演唱會計劃，相信最開心嘅一定係華仔支持者啦。