劉佩玥冇人追　唯有同姊妹過單身情人節：陳瀅係我老公

劉佩玥(Moon)今日孖好姊妹陳凱琳(Grace)出席活動，兩個著上和服好Kawaii呢！Grace率先預告情人節同男朋友鄭嘉穎過，而身旁同周志文傳出緋聞嘅阿Moon就話自己單身，情人節無情人：「今年都是跟去年同前年一樣在工作中度過，希望下年有好消息話俾大家知啦。」問到有無人追，阿Moon就話無:「身邊有一班好姊妹包括陳瀅、何雁詩、陳凱琳，有佢地喺我身邊做我嘅守護天使，我仲稱呼陳瀅做我老公，我有佢就夠架喇。」

阿Moon於劇集《降魔的》中飾演啤啤一角大獲好評，但竟然無入圍最佳女配角，令人大跌眼鏡，但阿Moon就話唔介意:「我未夠年資拎獎，能夠入圍我最喜愛女角色已經好開心，拎獎都係其次，我唔係好緊張獎項，最重要努力演好每一個角色，觀眾喜歡我就滿足。」