【Monster Hunter World】C君「芒亨」斬龍超瘋狂：初一斬到初四

《Monster Hunter World》今晚（1月25日）終於有得玩啦！貴為年度大作真係令一眾機迷為之瘋狂。不過講起「芒亨」忠粉，又點少得「農夫」呢對組合呢。他們還在2011年專門創作了《獵人之歌》這首作品，一邊打《Monster Hunter World》，一邊聽《獵人之歌》，真係爽到不得了。

《Monster Hunter World》的狂粉之一，C君接受《香港01》訪問說：「嘩，講「芒亨」好吖，最鍾意做呢啲訪問。（今晚就有得打，你買咗未？）我一早beta就買咗啦，雖然呢2日要返工打唔到，但係我已經約好哂朋友28號開波。28號我仲攞咗全日假嚟打，真係好奢侈！嗰日我同朋友約埋準時朝早9點開場添。」說起「芒亨」，由電話另一邊都感覺到C君興奮又期待的心情。

話時話，其實2位「農夫」與「芒亨」的緣份由好耐之前已開始。C君：「其實打『芒亨』一日邊夠。仲記得幾年前PSP 『Monster Hunter 3G』出嗰時，我哋新年嗰排放假，年30晚就約齊friend喺屋企玩，初一初二拜完年又打，再打到初四，直頭扎營咁。嗰時差唔多成20人一齊喺間屋度打『芒亨』，真係好開心㗎。我記得之前拍《Do姐再shopping》都有帶埋部機去玩。」原來C君同班朋友咁熱血，唔怪得會有《獵人之歌》啦。

對於「芒亨」迷來說，其實「芒亨」代表的不止是遊戲這麼簡單，更多的是代表朋友之間的友情歲月。有玩開的朋友，打開手機通訊錄的話，總會有3，4個是來自「芒亨」的戰友。雖然隨著朋友們的成長，各有各忙，但是「芒亨」就正是連繫朋友之間的橋樑。當喺理由又好，藉口又好，總係可以約到三五知已一齊屠龍，甚至乎坐喺「麥記」都可以識到「屠龍友」，呢個先係重點。

C君：「呢集陸永會回歸吖，佢2個女大個咗（6歲），可以多返啲時間打。講講下我已經想今夜凌晨即刻約齊人屠龍。我今集會用重弩多啲，佢就鍾意用大錘...」真係講起「芒亨」,C君有排吹！