《真情》「立生」盧慶輝恨返香港拍戲：都要有人俾機會我先得

當年憑《真情》立生一角而迷到不少師奶的盧慶輝，早前北上發展，並主攻房地產。但他去年以《賭城群英會》回歸香港娛樂圈，只見49歲嘅佢風彩依然。而今日喺英皇同優酷合作嘅網劇《PTU機動部隊》記者會上，亦見到盧慶輝蹤影。

訪問時，盧慶輝十分謙虛表示多得導演何澍培搵佢。「真係好耐無喺香港拍劇，今次有得石修，方中信呢啲前輩合作都開心。」他又笑言自己原是《PTU》的男二，但因他月底要返內地拍攝馮小剛的新劇，兩部作品同時撞期，他唯有忍痛放棄男二機會，但他透露自己的戲份也不少。「太耐無喺香港開工，一下子要用廣東話對白都食唔少螺絲。」他又指拍網劇比拍電視台劇集較為輕鬆。問到接下來會否有更多機會同香港觀眾見面，盧慶輝就大笑表示：「都要有人俾機會我先得。」