馬天佑人格擔保　好友吳千語唔拜金

吳千語近期被標籤為「拜金女」，據傳搭上富三代施伯雄，飛起林峯，作為千語嘅好朋友，見到佢俾人咁話法，馬天佑今日出席《慈善星輝仁濟夜》記招時，就為密友護航：「我敢以人格擔保，佢唔係果啲好似報道所講嘅人。」問到千語有無為報道而唔開心，有無搵佢傾訴，馬天佑就話：「佢都係一笑罝之啦。」

咁究竟依家林峯同千語嘅關係係點？其實作為二人密友嘅馬天佑無理由唔知，不過佢依然三緘其口：「其實呢啲都係交返俾佢地交代啦，千語依家身處內地拍緊劇，就嚟煞科，好快返嚟香港，相信佢好快會交代返件事。」

仲有報道話千語嘅新歡係馬天佑介紹嘅，他覺得自己無辜辜被拖落水，略帶激動咁伸冤話：「我要澄清返無呢件事，睇到報道我都一頭霧水。」馬天佑指自己認識施伯雄，但否認有做紅娘牽紅線：「你估我做婚姻介紹所咩。」