【酒精害人】梁漢文醉駕呼氣超標逾 4倍　曾被封為「醉街歌手」

「酒精害人，影響一生」雖然大家都知道醉駕係犯法，仲有機會釀成人命傷亡，不過人類總是重覆犯錯。曾經有「醉街歌手」之稱嘅梁漢文，曾揚言為愛妻決心戒酒，雖然有時會淺酌幾杰，但近年已絕少被傳媒影低醉態，估唔到呢日Edmond涉嫌醉駕，呼氣測試時吹爆錶被捕。

1月23日凌晨1點幾，梁漢文於港島發生交通意外，失控撞向鐵欄至車頭嚴重損毀，警方到場後發現佢嘅酒精呼氣測試逾100度，比法定上限22度超標逾4倍，涉嫌酒後駕駛將他拘捕，帶到中區警署調查。警方將案件列作「酒後駕駛」及「交通意外-政府財物損毀」跟進，並將房車拖到汽車扣留中心檢驗。至清晨約5時獲準保釋，梁漢文頭戴黑色冷帽及太陽眼鏡坐的士離開。