《犯罪都市》馬東錫臂部肌肉及韌帶損傷　送去美國治療1個月

韓國男演員馬東錫（又譯：馬東石）因為演出同孔劉合演嘅《屍殺列車》中義氣大叔一角而名氣大升，嚟緊2月初仲會有由他加埋G.O.D前成員尹啟相主演嘅《犯罪都市》上映，另外馬東錫早前仲係《與神同行》片尾出現，率先同粉絲預告佢會演出《與神同行2》，呢排馬東錫真係老是常出現啊！

不過勁到手瓜起晒𦟌、背脊都搲唔到嘅馬東錫就因為臂部肌肉以及韌帶損傷，喺1月中旬就已經送往美國進行治療，而馬東錫經理人公司Day Dream Entertainment就表示「馬東錫喺好多全職運動選手去嘅專業中心接受治療，治療期間大概維持1個月，預計2月就會返回韓國，唔存在行程上嘅問題。因為馬東錫本來就有臂部肌肉損傷問題，加上最近正在拍攝同運動有關嘅電影，導致症狀加劇，不過目前電影已經拍攝完畢。」

《犯罪都市》預告

《與神同行》片尾彩蛋馬東錫　續集拍好戲名都有埋？

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/