【萬千星輝】趙永洪是最佳男配角滄海遺珠　演技同何遠東一樣出色

無綫年度盛事《萬千星輝頒獎禮2017》舉行在即，今年最佳男配角的大熱人選是憑住《踩過界》獲得提名的張振朗，而另一熱門人選則是憑住《降魔的》獲得提名的何遠東。雖然賽前預測張振朗今年勇奪最佳男配角的成數最高，不過民意的取向就顯示何遠東才是大多數網民心目中的最佳男配角。以上兩人之爭是基於入圍名單的戰況去推斷，當然他們有得入圍先有得去爭獎，但其實都有不少滄海遺珠的名單，即使未能入圍，也絕不代表他們演技唔好，甚至是觀眾和網民的心水之選，趙永洪就是其中一個。

可能大家已經忘記了趙永洪在《降魔的》的演出，他飾演「些粉」一角的演技其實同何遠東所飾演的龍貓一樣咁出色。其中有一場戲講趙永洪害死了何遠東，他的內心戲再加埋喊戲，真係感動了萬千觀眾，完全演繹到那種內疚又悲痛的心情。就係呢場戲已經睇得到他確是有演技之人，觀眾同網民亦一致讚好，今次未能入圍可能是戲份太少，又或者只是運氣唔夠，無得同何遠東爭獎，不少人都戥他好唔抵㗎。不過其實有無獎都不是太重要，最重要是演技能夠得到大家的認同和肯定嘛。