【渣馬2018．有片】謝東閔獲好兄弟撐　張振朗：跑個世界冠軍返嚟

今年有不少無綫藝人參加了2018渣打馬拉松，包括有蔡思貝、謝東閔 （Brian）、余德丞、陳國峰以及黃長興等，賽事舉行在即，各人當然都有努力備戰啦。近日他們都有於Big Big Channel上直播自己練跑時的片段，真係好認真練習，跑到喘晒氣㗎。而作為他們的老友，就算無份一齊跑都一定會為他們打氣加油，在精神上支持他們。Brian的一班好兄弟亦拍了一條短片幫他集氣。

於片中現身為Brian集氣叫他加油的老友有陳山聰、張振朗、胡諾言、陳國峰以及袁偉豪。同Brian是「跑友」的山聰表示：「你身為Crazy Runner嘅元老，Crazy Runner精神，盡做！」張振朗開緊工都拍片支持Brian，仲叫Brian：「同我跑個世界冠軍返嚟。」胡諾言就話跑半馬難唔到Brian嘅。而陳國峰今年都是參加者之一：「謝東閔，我用行動去支持你，陪你一齊跑馬拉松！」袁偉豪就叫Brian記得要留力：「唔好一開跑就掛住衝，我對你都好有信心嘅，喜馬拉雅山你都得喇，半馬濕濕碎啦。」大家仲記唔記得Brian年前拍攝無綫節目《天與地》時曾經登喜馬拉雅山，好勁㗎。