圭賢@Super Junior人氣論文榜1位 慶熙無鬥俊@highlight讀個科
韓國娛樂圈有唔少藝人都會一路進行演藝事業一路讀書，不過好多時都因為有繁多嘅行程，好難得先有機會去上堂。好似之前樸寶劍被爆出會以工作人員身份參與Year 4畢業功課，不過其後樸寶劍就表示對有份參與的同學造成影響覺得非常抱歉。喺校方嚟講有明星、偶像就讀當然可以大大提高學校嘅知名度，但系學生方面又會點睇呢？
今日CNBLUE隊長鄭容和就被爆出特惠入讀慶熙大學嘅博士課程，鄭容和都有系自己Instagram更新一張手寫信照片，表示「一切都系我嘅錯誤，正在深切反省當中」。而鄭容和所屬經理人公司FNC Entertainment就表示「鄭容和系2016年申請應用藝術學科的博士課程時，因為失誤得到不合格結果，加上博士課程報考人數不足，所以大學方面就勸導鄭容和參加追加招生嘅考試。」
爆出鄭容和特惠入學後，就有網民爆料根本就唔止鄭容和一個人系咁，好似Highlight隊長尹鬥俊、BLOCK B隊長Zico以及Super Junior忙內圭賢都繫有問題！網民表示「尹鬥俊嘅學科根本就無博士課程，Zico在學中讀緊碩士課程，但連論文都無寫，更加唔會系博士囉！」
雖然唔知真偽，不過當時圭賢除咗忙住Super Junior嘅日程外，佢都有抽時間去上堂，出席率更高達90%以上，並以優秀成績畢業。雖然圭賢曾經停學一年半，但系喺最後學期都有減少活動專心學業，更有喺畢業演奏會中跟同期畢業生一齊表演！加上圭賢喺2015年演出《Running Man》時，劉在錫就以「數學天才」、「全校第一」、「得過奧林匹克獎」等介紹圭賢出場，更有提及圭賢並未以演藝人身份特惠入學，而系以優異高考成績考入慶熙大學！所以今次特惠入學就絕對唔關圭賢事。
圭賢喺2016年就讀慶熙大學研究生院後現代音樂系提交嘅碩士論文，今日登上咗韓國學位·學士論文網站RISS的人氣論文榜1位，論文以「對K-POP現狀同未來發展性嘅研究，又以日本、中國等K-POP嘅成功事例為基礎研究K-POP進軍美國、歐洲市場嘅戰略」為題，論文於2016年2月份提交，直至目前已有1萬3807次嘅點擊數，圭賢再一次以實力證明自己系學霸oppa！
更多圖片
CNBLUE鄭容和博士面試0分照合格？ IG親筆信：感到非常羞愧
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/
