【金鐘國專訪】教你減肥變宋仲基與朴寶劍 食極唔肥有方法！
金鐘國在《Running Man》中「能力者」的形象深入民心，當中一身健碩的肌肉更加令大家極為羨慕。金鐘國向來都有健身的習慣，對健康飲食都素有研究。當中，宋仲基、朴寶劍等等明星其實都係金鐘國嘅學生！金鐘國做宋仲基、朴寶劍私人教練，成功操到兩位男神由「白滑書生」變「肩膀流氓」！相信大家在聖誕、新年放假都經常開Party，食完先發現自己肥咗好多。今日《HK01》韓迷頻道就請來金鐘國同大家分享一下佢自己的健康心得。
攝影：陳順禎
如果大家想減肥，飲食方面一定要有所注意！因為原來食啱時間就可以食咩都得，但食錯時間就會前功盡廢！金鐘國就話早餐可以食一個豐富的早餐，之後在做運動前都可以隨便進食，想食咩都可以，但記得要少食多餐。做完運動後食雞胸肉，晚上就唔再進食了！所以金鐘國係唔會食宵夜架！金鐘國仲建議大家可以早上飲一杯黑咖啡，因為黑咖啡有助燃燒脂肪。
金鐘國另外就提議大家可以係早上行30分鐘樓梯，由地下行上屋企或者高樓層，之後就坐升降機到地面再行上去，重複以上動作做30分鐘。金鐘國仲提大家一定要由下面行上去，因為行落去會傷膝蓋架！講講下仲唔小心自爆自己住21樓！金鐘國指行樓梯可以訓練到靚嘅腳部線條同背影睇落都好睇啲，男、女都適合做架！
《Running Man》金鐘國專訪 新一年最想OUT李光洙？
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/