【巴清傳】遭檢舉篡改歷史播出無期　ATV高價賣入點算？

周迅同霍建華主演的古裝電視劇《如懿傳》，經過1年多拍攝時間，原定今個月播出，而官方微博自去年已開始發放劇照以及導讀片，由於作品乃《甄嬛傳》的續集，加上女主角周迅多年未有拍劇，所以劇集由籌備到開拍都被睇高一線，可惜《如》埋門一腳傳出送審失敗，播出無期，劇迷唯有將希望投放到同樣都係高質製作、由范冰冰主演的古裝劇《巴清傳》（原名《贏天下》）之上。

而作為自己有份投資的作品，范冰冰早前更特意現身東方衛視的跨年晚會，獻唱劇集主題曲藉此造勢，之不過，就係劇集播出預告片之後，有研究歷史的教授馬上指出《巴清傳》篡改歷史、違背價值觀、並指劇中人物的服飾太有日式風格了，一點都不像中國本土電視劇，之後更去信廣電總局，事件即時引起廣電總局高度關注。而製作公司雖已馬上將劇集由《贏天下》改名為《巴清傳》，並刪改不少過激鏡頭，但最終都係得唔到審批。原來兩劇爭崩頭奪檔期，如今齊齊不獲審批，這些機會真係同中六合彩一樣咁難，電視台有見及此，唯有即時「調派」由靳東、江疏影主演的時裝劇《戀愛先生》上場，令這小本製作的劇集成了最後大贏家。

亞視去年底宣告復活時，曾表示以2千萬高價買入《巴清傳》的播放權，並準備與內地電視台同步播出，予人誓與TVB一決高下的感覺，如今《巴清傳》開播日遙遙無期，ATV唔知有什麼打算？