SHINee受鐘鉉媽媽鼓勵舉行日本concert　泰民：唔想同成員分離

SHINee成員溫流、珉豪、Key、泰民於2017年12月18日痛失好兄弟兼隊友鐘鉉，帶住沉重同悲痛心情送鐘鉉走完最後一段路。早前他們所屬的SM Entertainment表示，仍未能確定SHINee在2月的日本東京、大阪演唱會「SHINee WORLD THE BEST 2018~ FROM NOW ON~」能否如期進行。

今日SHINee喺官方網站上傳咗溫流、珉豪、Key、泰民嘅親筆信，表達了個人感受以及傳達將按照原定計劃舉行日本場演唱會嘅訊息。首先珉豪表示：「雖然唔知道咩先係啱，但我相信呢個係正確答案，遵守同大家嘅約定堅持落去。雖然有好多人擔心冇人可以代替鐘鉉哥哥嘅位置，更會憂慮舞台表演嘅完成度。為咗接下嚟嘅時間可以令大家睇到SHINee嘅所有舞台都是同鐘鉉哥哥一齊，我哋會以全副真心去準備。」

而Key就寫下「因為有大家嘅關心，我嘅心情都逐漸平復，將努力回歸日常當中。相信呢個決定都是鐘鉉哥哥所希望看到我哋嘅樣子，同時都遵守同粉絲嘅約定，希望展示出最好舞台以及最有SHINee本色嘅樣貌。」

忙內泰民就表示「事實是第一次我對於公演沒有信心，但因為想遵守同粉絲嘅約定，仲有喺未來嘅時間都唔想同SHINee成員分開。」

最後，SHINee隊長溫流就寫下「感謝大家愛護以及守護我們成員，令到粉絲擔心真係好抱歉。我覺得我唔得，我覺得我唔能夠做好公演，但係喺聽到鐘鉉媽媽叫我絕對唔好放棄之後，覺得如果可以喺某個地方給予想念鐘鉉嘅人以及心痛嘅人安慰，即使我有好多不足，亦知道過程會好艱苦，但我都會盡力去做好。」

[KBS歌謠大祝祭]EXO燦烈掉轉報紙睇?　SHINee鐘鉉紀念片段超洋蔥!

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/