【溏心風暴3】陳敏之洗白角色不再乞人憎 黃智賢又玩英雄救美
撰文：張嘉敏
出版：更新：
今集陳敏之會洗白佢個角色，唔再咁乞人憎。
無綫50周年台慶重頭劇《溏心風暴3》已經進入最後10集，黃以愛（陳敏之飾）同人夫Nic（唐文龍飾）的一段不倫戀，亦終於告一段落，大家唔會再於呢套劇度看到唐文龍了。而出現在陳敏之身邊的男人，就換上了由黃智賢（Ben）飾演的單身暖男宋友基。陳敏之在劇中不用再做第三者喇，角色亦即刻變得不再乞人憎。今集劇情講述兩人的感情邁進了一大步，雖然仍未發展成感情線，暫時只是友情，不過敏之就表現得對Ben非常欣賞，Ben仲上演了一幕英雄救美，梗係加晒分啦。
今集又玩英雄救美。
其中一場戲講敏之同Ben邊歎茶邊傾偈，敏之問到Ben點解在外國讀完工商管理碩士，居然返香港做農夫，Ben說：「我細個寫我的志願係寫我要做個好農夫，後來畀阿爸知道咗，打到我飛起呀！阿爸要我讀經濟，仲開咗間公司要我做CEO。其實我依家做嘅嘢都算學以致用，雖然唔多但都有錢賺㗎，所以阿爸咪由得我囉。」有錢果然就是任性，老竇開埋公司畀埋CEO佢做都完全無視，堅持去追理想，賺得少so what？
兩個喺今集friend咗。
當敏之表示以為他是純粹講理想，不會講錢時，Ben就好坦白咁話：「我係人嚟㗎，點會唔講錢㗎，只係，我唔需要太多囉。我係村長個仔，太公分豬肉一定有份，有錢有地，比起其他人我已經幸運咗好多㗎喇，所以我覺得我更加要做一啲有意義，即使係成本高，利潤低嘅事。」其實講到尾，首先係你要有錢，有錢自然可以講理想、講抱負、講貢獻，可以不計較收入。但如果無錢，就講咩都嘥氣，還是面對現實為生活賺錢吧。而生活現今的香港，情況亦正正是一樣，今次劇情絕對係反映到現實㗎。
Ben根本係因為屋企本身有錢先可以追理想。
【溏心風暴3】48歲唐文龍點解可以咁fit？ 街頭體能訓練操到爆肌
+6