松岡李那又凍又熱賀新年 42度高温下做Pink Lady同陽光玩遊戲

撰文:張嘉敏
出版:更新:

日模松岡李那(Linah) 自從將發展基地由香港搬返家鄉日本之後,就好少可以見她於香港出席活動喇,想留意她的最新動向,當然要睇住她的Instagram啦,因為Linah不時都會更新她的IG,上載好多靚相同粉絲開心share自己的近況。踏入新一年,Linah就慶祝新年兼又去埋外地旅行都無偷懶,有繼續更新IG㗎。今日她仲上載了幾張索爆比堅尼相,並留言表示:「Soooooo hot 42°C,Happy new year trip」仲拍了一段浸温泉的片。原來她去了旅行度歲,雖然她沒有說自己身在何處,不過就肯定是熱辣辣的地方啦,有成42度喎,有網民就估她正身處目前是炎夏的澳洲喇。
而Linah去呢個咁熱的地方之前,就於日本迎接2018年,同朋友一齊去了參拜祈求新一年事事順利。日本就當然是好凍啦,Linah著曬樽領衫襯長褲加羽絨外套包到實。離開了家鄉去到咁熱的地方旅行,梗系即刻換上比堅尼曬下太陽先啦。