連詩雅緋聞男友徐浩澄清無送贈名車：我絕對不是有錢仔

連詩雅（Shiga）最近因為屋企交租問題發生羅生門事件，就連她媽媽都一同牽涉在內，這邊廂兩人被指欠租十幾萬，那邊廂Shiga又指有關傳聞失實，到底誰是誰非仍是個謎。不過自從Shiga在訪問拿出業主所拍的片段澄清後，欠租糾紛似乎暫時告一段落。但隨即又有報道指Shiga獲緋聞男友，音樂人徐浩送贈名車，言下之意即是她在經濟上受到徐浩的照顧，而身為男主角的徐浩今日就於自己的Instagram發文澄清有關傳聞，仲man爆咁叫大家不要再攻擊Shiga。

徐浩在ig表示：「我想喺度澄清，我其實從來無送過保時捷畀Shiga，我同佢都係經濟獨立，各自為生活努力工作。我絕對不是一個『有錢仔』。我和她跟大部分香港人都一樣，面對着各種生活的困難和壓力。在現今香港這個地方生活已經不容易了，大家又可必去攻擊一個你根本不親身認識的人呢？希望大家可以給予她一點空間，讓她可以再做出更多好的作品給大家。」而Shiga同徐浩的共同好朋友周柏豪亦有轉發呢篇貼文。作為音樂人的徐浩專注幕後工作，平日作風低調，今次公開在ig闢謠已經算好高調㗎喇，仲要咁維護Shiga，證明她在他心中的重要位置。