羅莽當年入行原來係由邵逸夫爵士親自發掘：佢覺得我係個人材

羅莽師傅從影以來拍了多部功夫電影，他的武打影星形象深入民心，更吸納了一班來自美國的die hard粉絲，係威嘅。他早前接受專訪時就憶述返當年入行的經過，原來是邵逸夫爵士親自提拔他的。羅莽表示：「當初係邵逸夫爵士發掘我嘅，佢覺得我係人材，而將我推薦畀張徹導演去栽培我，以至我今日有咁嘅成就。我好有信心係代表邵逸夫爵士，因為邵氏公司曾經係東方嘅荷李活，我係代表佢多謝美國嘅觀眾到依家都係咁支持邵氏嘅電影。

而有份參演張徹導演執導的電影《五毒》而在美國打響名堂的羅莽，對於憑住該部電影有如此成績，坦言非常開心之餘亦實在是意想不到：「大家都知道張徹導演係功夫片嘅宗師嚟，能夠拍到佢嘅戲呢，紅就係必然嘅事，但係到20世紀仲係喺美國咁多人留意住，呢樣係我想像唔到嘅。」