容祖兒日本旅行貪靚著Legging　得6度凍到即買「大媽褲」保暖

呢幾日頒獎禮都唔見天后Joey（容祖兒）身影，原來佢偷偷哋去咗日本玩，香港人去旅行就最鍾意打卡，Joey都唔例外，一上旅遊巴就寫咗句「To do list of 2018」，同大家Share幾張自拍相，粉絲就擔心佢自己一個人旅行唔安全。之後唔知係咪得自己一個寂寞得滯，Joey就連檯上每一個小食都影相打卡，成件事真係好香港人啊，睇嚟今次Joey真係好放鬆咁去旅行。

輕鬆嘅一日，Joey第一件想做嘅事就係瞓到自然醒，之後就浸吓溫泉、踩吓單車咁，都幾寫意。原來日本嗰邊得6度，貪靚嘅Joey帶唔夠衫，淨係帶咗條Legging做運動，所以佢嗱嗱聲走去附近嘅舖頭狂掃幾條「大媽褲」保暖，事關Joey等陣就要去睇日落，佢仲好搞笑咁話佢條大媽褲係「扮牛條褲的保暖褲」。