【溏心風暴3】苗可秀靚爆鏡都輸畀李司棋　懷恨在心足足40年

無綫50周年台慶重頭劇《溏心風暴3》播出了廿多集，爭吵戲幾乎日日上演，雖然有不少觀眾同網民都會嫌好嘈好煩，不過都有好多人鍾意邊鬧邊睇。最近呢幾集就加入了沈沝（苗可秀飾）這個新角色，令爭吵戲的情節更加豐富。劇情講苗可秀年輕時已經暗戀正爸（夏雨飾），甚至是到了癡戀的程度。她嬲火姐 （李司棋飾） 當年橫刀奪愛，搶走她的正爸，結果她嫁了給現任老公，豈料嫁40年就捱足40年。水水（沈沝暱稱） 深深不忿，當她從加拿大返港見到正爸火姐一家幸福，就決定要找火姐報仇，要火姐向她斟茶認錯，否則就會大搞破壞。

水水大鬧許旺集團的股東大會，在眾人面前言之鑿鑿講到正爸見異思遷，為了火姐而對她始亂終棄，公開聲討正爸同火姐，想搞到永旺的股價大跌。不過其實她所講的同正爸拍過拖，正爸曾經愛過她，這些全都是她自己妄想出來。她原來患有妄想症，而因為她這個妄想症，令她懷恨在心足足40年，就算結了婚生了仔都未能忘記正爸，亦好痛恨火姐，對正爸「被搶」一直無辦法釋懷，隔了成40年都仲未放得低，真係好得人驚。呢股純粹源自她妄想症的怨恨實在好恐怖。