【叱吒】謝霆鋒上載彩排片段　Chef Lemon彈結他真繫好熱血

《叱吒》頒獎禮已經圓滿落幕，不過大家有上網都知，好多人仲依舊瘋傳頒獎禮片段，特別系謝霆鋒及陳奕迅兩段表演更加系令人回味無窮。完show後唔止觀眾，兩位當事人都有update社交網站分享感受，Eason話自己：「都繫有啲緊張嘅，上去呢個叱吒（舞台）…幾好吖，有啲腎上腺素嘅鬱動。」至於霆鋒更上載一條彩排片段，仲話：「唔知點解，rehearsal 嘅演出永遠都系順過出場？！」

完show後Eason急不及待拍片分享感受。(陳奕迅Facebook)

對上一次霆鋒踏上《叱吒》頒獎禮已經系16年前，系2001年憑住《潛龍勿用》奪得叱吒十大第八位，近年佢放低結他改揸鑊鏟，難得重返香港舞台唱廣東歌，相信連佢自己都好興奮。尋晚睇直播，去到萬眾期待嘅單線 SOLO 部份突然黑屏激到網民扎扎跳，今日霆鋒就喺Facebook上載彩排時候嘅絕密片段6枝結他一齊互jam，真繫好熱血呀！佢仲留言話：「唔知點解，rehearsal 嘅演出永遠都系順過出場？！」

頒獎禮結束後Eason於Facebook上載訪問片段，被問到表演完有咩感受，佢就話：「都繫有啲緊張嘅，上去呢個叱吒（舞台）…幾好吖，有啲腎上腺素嘅鬱動…都算完整完成個演出咁囉！阿炳（琴師）好嘢，阿Jan又繫好辛苦，阿Jan都好好嘢，佢嗰啲稿好難背，因為要夾Timing講嘢，都幾有壓力。我就最易囉，因為我企喺度唱歌咋嘛！」剛好呢個時間Supper Moment上台獻唱，Eason大讚：「佢哋好有Energy，真系覺得佢哋幾好，佢哋啲Energy Level好勁！」有歌神大讚，相信Supper Moment幾位成員可能仲開心過橫掃頒獎禮。