為了Wanna One朴志訓　女fans不惜找上ex-boyfriend......

女人喺呢個世界上最憎至少會有3樣嘢：「曱甴、小三同埋男朋友個ex（為了Wanna One朴志訓　女fans不惜找上ex-boyfriend！）」！莫講話同男朋友個ex做朋友，就算你同男朋友分咗手之後都未必做到朋友啦！一般嚟講由戀人關係變返做「朋友」，真係有幾多對「曾經」係情侶可以做得到？Kpop界中，少女時代成員潤娥（又譯：允兒）同李勝基分手後同台一樣零交流，而超sweet同公司藝人李聖經同南柱赫、少女時代隊長太妍（又譯：泰妍）同EXO成員伯賢、f(x)成員Krystal同EXO成員Kai做返前後輩已經好厲害！

不過昨日喺韓國電台節目《兩點逃出Cultwo Show》入面，就有個女聽眾phone in講出自己嘅經歷，相信Kpop粉絲同Wannable（Wanna One粉絲）就會感同身受！事關呢個女仔就話喺佢覺得生活好苦又要自己一個人過生日嘅時候，命運就安排佢喺電視見到Wanna One朴志訓，由嗰刻開始佢就決定要將生命奉獻畀朴志訓！雖然聽落係好瘋狂！但無可否認Kpop偶像其實係好多人嘅精神支柱，唔一定係「屏幕飯」，也可能望住個mon會心微笑，日常生活的壓力就會得到舒緩。

就係咁呢個女仔開始幫朴志訓喺《Produce 101》Season 2入面拉票，仲搵晒身邊所有嘅人，更連ex都搵埋唔放過！撫心自問如果唔係同ex和平分手都唔知點樣講出「Hi」呢個字？好多人喺街上唔小心撞到ex都會視而不見，何況仲要發message拜託佢幫你做嘢？之不過，呢個女仔就話「我只係想幫朴志訓投多一票，只要咁做就會令我覺得好幸福」，所以話「愛」真係會令到女仔能人所不能。最好笑係佢個ex最初竟然以為係想拉復合，仲表明「我有女朋友㗎喇」，好彩個女仔解釋完之後，ex都有幫佢投朴志訓票。峰迴路轉係幾日之後ex嘅現任女友，竟然知道兩人仲有聯絡，而有事發生！

Wanna One戴「SBS歌謠大戰」髮卡　邕聖祐與河成雲負責搞笑

女主角驚ex嘅現任女友誤會，所以都有努力解釋，仲話想同佢道歉，點知傾傾吓就發現原來大家都係《Produce 101》Season 2嘅粉絲，仲要一樣都係鍾意朴志訓！睇嚟呢兩個女仔嘅taste都好接近，同一個男友、同一個偶像，兩人仲一見如故，成日會互send朴志訓嘅相片同影片。之不過，喺ex知道呢兩個女仔咁樣一齊追朴志訓後，竟勃然大怒，仲話要同現任女友分手。最後佢哋真係分咗手，反而呢兩個女仔就愈黎愈friend，仲喺上個月Wanna One嘅演唱會中見面！呢個結果真係出人意表，認真一問有幾多男女，可以同ex嘅現任做朋友先？本身喺朋友都已經難，始終女人都係小氣、死心眼同記仇啲啲㗎嘛！

Wanna One朴志訓，祝Wannable聖誕快樂片段：

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/